Dichloromethan

Dichloromethan ass e chloréierte Kuelewaasserstoff mat der Formel CH₂Cl₂. Et ass ee vun de véier chloréierten Derivatsproduite vum Methan.

Physikalesch Eegenschaften

Dichloromethan ass eng beweeglech a flüchteg Flëssegkeet, déi änlech wéi Chloroform richt. En ass gutt léislech am Alkohol an am Ether, awer nëmme wéineg am Waasser.

Cheemesch Eegenschaften

Dichloromethan ass nëmme schwéier brennbar a forméiert mat Loft keen explosivt Gasgemësch.

Hierstellung

Dichloromethan gëtt duerch Substitutioun vum Waasserstoff duerch Chlor aus Monochloromethan hiergestallt.

$\mathrm{C}{\mathrm{H}}_{\mathrm{3}}\mathrm{C}\mathrm{l}\mathrm{+}\mathrm{C}{\mathrm{l}}_{\mathrm{2}}\mathrm{⟶}\mathrm{C}{\mathrm{H}}_{\mathrm{2}}\mathrm{C}{\mathrm{l}}_{\mathrm{2}}\mathrm{+}\mathrm{H}\mathrm{C}\mathrm{l}$

Uwendung

An der Industrie gëtt Dichloromethan als Léisungsmëttel benotzt. Donieft ass et en Ofbeezmëttel fir Lack a gëtt geholl fir Phosgen hierzestellen. Dichloromethan soll a loftdichte Behältere gelagert ginn.

Auswierkungen op d'Gesondheet

D'Dämp vum Dichloromethan si gëfteg a verursaache Kappwéi a Dronkenheet a reizen d'Aan. Si kënne bis zum Koma an Doud féieren. Wann een CH₂Cl₂-Dämp chronesch anotemt, triede Mo- and Daarmstéierungen a Symptomer vu Vergëftung op.

Literatur

• Martindale, The Extra Pharmacopoeia, Thirtieth Edition

Um Spaweck

• http://www.seilnacht.com/Lexikon/halkw.html