Phi

De griichesche Buschtaf „Phi“

De Phi (griichesch Neutrum Majuskel Φ reso. $\mathrm{\Phi }$, Minuskel φ resp. $\varphi$ oder $\phi$) ass den 21. Buschtaf vum griicheschen Alphabet an huet nom milesesche Prinzip en numeresche Wäert vu 500.

De Phi am Gebrauch

• An der Mathematik bezeechent
  • de klenge Phi ($\varphi$) e Wénkel an de Polarkoordinaten an den Azimutwénkel an de sphäresche Polarkoordinaten
  • de klenge Phi ($\varphi$) d'φ-Funktioun vum Euler
  • de grousse Phi (Φ) den irrationalen Zuelewäert vum Gëllene Schnëtt
  • de grousse Phi (Φ) d'Wahrscheinlechkeetsfunktioun (och dem Gauß seng Feelerintegral genannt)
• De grousse Phi ass dat allgemengt Zeeche fir Physik, z. B. am Logo vun der Däitscher Physikalescher Gesellschaft. Et steet an der Wëssenschaft dacks nach fir aner Bedeitungen.
  • De klenge Phi ($\varphi$) steet fir e Meson
  • De grousse Phi (Φ) steet an der theoreetescher Physik fir d'elektrescht Potential (Spannung U)
  • An der Stréimungsléier steet de klenge Phi ($\varphi$) fir d'Duerchflosszuel
  • An der Liichttechnik steet de grousse Phi (Φ) fir de Liichtstroum
  • An der Thermodynamik resp. Klimatechnik steet de klenge Phi ($\varphi$) fir d'relativ Loftfiichtegkeet
• An der Elektrotechnik an an der Physik bezeechent
  • klenge Phi($\varphi$) de Phaseverrécklungswénkel
  • grousse Phi(Φ) de magnéitesche Floss
• An der Chimie steet Phi fir de Volumenundeel vun engem Stoff an engem Gasgemësch (a Vol%)
• An der Biologie bezeechent de klenge Phi ($\varphi$) eng Grupp vu Bakteriophage mat eenzelsträngeger DNA (Microviridae).
• An der Geographie bezeechent Phi d'geographesch Breet
• An der Geologie, besonnesch Ingenieursgeologie, steet de klenge Phi ($\varphi$) fir de Wénkel, deen eng geologesch Fläch mat enger geduechtener horizontaler Fläch bilt, dem sougenannten Afallswénkel.

Als Numm

• Éditions Phi, e lëtzebuergesche Verlag.