Quelltext vun der Säit Taxus vun Éileng weisen

{{Infobox Bam}}

Den '''Taxus vun Éileng''' war e [[Joerhonnert]]en ale Bam, dee bis an den November 1964 zu [[Éileng]] an der Gemeng [[Reckeng op der Mess]] stoung an deemools ëmgehae gouf, well en un der „Wurzelfäule“ ({{Fr}} pourriture de souche) gelidden huet. Botanesch gesinn huet et sech ëm e [[Franséische Pällem]] (''Taxus baccata,'' {{De}}''Gemeine Eibe'', {{Fr}} ''if commun'' oder ''if à baies'') gehandelt.

== Eng gutt gemengt Campagne ==

Am Joer 1958 hat d'[[Société des naturalistes luxembourgeois]] ënner dem Impuls vun hirem deemolege President [[Marcel Heuertz]] eng Campagne fir de Schutz vum Bam gestart, déi als konkreet Resultat d'Opriichte vun enger Clôture am Laf vum Joer 1959 hat. Si sollt de Bam virun de Kéi, déi an der Wiss waren, wou hie stoung, schützen.<ref>Massard 2015, S. 155s.; Massard, J.A., 1990. ''La Société des Naturalistes Luxembourgeois du point de vue historique.'' Bulletin de la Société des naturalistes luxembourgeois 91, S. 108. [http://massard.info/pdf/SNL_1990_091_005_214corr.pdf]</ref>

== Ëmfang an Alter ==

Am Joer 1873 huet de [[Jean-Pierre-Joseph Koltz|Jos Koltz]] den Ëmfang vum Bam mat 2,52 m uginn a säin Alter op 675 Joer geschat. Den [[Georges Ernest Faber|Ernest Faber]] (1893) an den Edmond Klein (1897) ginn en Alter vun 800 Joer un. 1907 kënnt den Ernest Faber esouguer op 1.000 Joer. Fir hien a fir den E. J. Klein bestoung keen Zweiwel, datt dee Bam den eelsten aus dem Land wier.
 
1958 hat de Bam en Ëmfang vu 5,30 m iwwer dem Buedem a vun 3,38 m op enger Héicht vun 1,30 m. 1964 war den Ëmfang 3,40 m op der Héicht vun 1,30 m. 1962 hat de Bam fir d'lescht geblitt.
 
De Marcel Heuertz an den [[Alphonse Eichhorn (Forstingenieur)|Alphonse Eichhorn]] waren 1958 no engem Sondage op en Alter vu 400 bis 500 Joer komm. A well de Bam huel war, wéi en 1964 ëmgehae gouf, konnt de geneeën Alter och dunn net festgestallt ginn. De [[Paul Modert]] huet en deemools op e Minimum vun 220 an e Maximum vun 300 Joer geschat. A béiden Hypotheese si mer wäit vun den dausend Joer ewech, déi fréier alt emol ugeholl gi waren. Et bleift awer, datt den Taxus vun Éileng laang Zäit ee vun de bemierkenswäertste Beem vu Lëtzebuerg war.

=== Iwwersiicht ===
{| class="wikitable" style="text-align: right;"
|+<small>Ongeféier Moossen (m) a geschaten Alter vum Bam</small> 
!Joer
![[Ëmfang|<math>U</math>]]
![[Duerchmiesser|<math>d</math>]]
![[Héicht|<math>h</math>]]
!Alter
!Quell
|-
|1873
|2,52
|0,00
|0,00
|675
|[[Jean-Pierre-Joseph Koltz|Koltz]]
|-
|1893 / 1897
|
|
|
|800
|[[Ernest Faber|Faber]], [[Edmond Joseph Klein|Klein]]
|-
|1907
|
|
|
|1.000
|[[Ernest Faber|Faber]]
|-
|1915
|2,60
|0,83
|20,00
|
|Gesellschaft Luxemburger Naturfreunde<ref>{{Citation|URL=https://persist.lu/ark:70795/2pr0wb/pages/445/articles/DTL4413|Titel=Abb. 11. – Taxus von Ehlingen. Umf. 2.60 m.|Gekuckt=21.03.2024|Datum=15.06.1915|Editeur=Festschrift zur Feier des 25jährigen Bestehens 1890-1915, 9 (25). S. 363.|Sprooch=de}}</ref>
|-
|1931
|3,00
|0,95
|15,00
|
|Société des naturalistes luxembourgeois<ref>{{Citation|URL=https://persist.lu/ark:70795/t8n2b8/pages/5/articles/DTL158|Titel=L’if séculaire d’Ehlange. Excursion du 3 mai 1931|Gekuckt=21.03.2024|Datum=28.07.1931|Editeur=Monats-Berichte = Bulletins mensuels Société des naturalistes luxembourgeois, 25 (41). Jg., nº 7, S. 101.|Sprooch=fr}}</ref>
|-
|1958
|3,38<ref name=":0">op enger Héicht vun 1,30 m</ref>
|
|
|400-500
|[[Marcel Heuertz|Heuertz]], [[Alphonse Eichhorn (Forstingenieur)|Eichhorn]] 
|-
|1964
|3,40<ref name=":0" />
|
|
|220-300
|[[Paul Modert|Modert]]
|}
<small><math>U</math> = Ëmfang; <math>d</math> = Duerchmiesser; <math>h</math> = Héicht</small>

==Literatur==
* [[Jos Massard|Massard, J.A.]], 2015. ''[http://massard.info/pdf/Massard_2015_5-302_add.pdf La Société des naturalistes luxembourgeois de 1890 à 2015.]'' [[Bulletin de la Société des naturalistes luxembourgeois]] 116, S. 5-302 (if séculaire d'Ehlange: S. 155-159, do och all weider Literaturhiweiser).

==Kuckt och==
* [[Bemierkenswäert Beem zu Lëtzebuerg]]

== Um Spaweck ==
{{Commonscat|Remarkable taxus baccata in Ehlange|{{PAGENAME}}}}

{{Referenzen}}

[[Kategorie:Bemierkenswäert Beem zu Lëtzebuerg]]
[[Kategorie:Gemeng Reckeng op der Mess]]