Quelltext vun der Säit Fischer-Tropsch-Synthes weisen

D'Fischer-Tropsch-Synthees gouf vum [[Franz Fischer]] an [[Hans Tropsch]] an de Joren [[1922]] bis [[1926]] entwéckelt. An den [[1930|30er]] a [[1940|40er]] Jore gouf si an [[Däitschland]] ugewannt. Et ass e Verfahre fir [[Kuelewaasserstoffer|aliphatesch Kuelewaasserstoffer]] aus syntheetesche Gaser hierzestellen. D'syntheetesch Gaser, virun allem de [[Kuelemonoxid]], ginn aus [[Kuelen|Kuele]] gewonnen. D'Reaktioun leeft bei enger Temperatur vun 220 an 340&nbsp;°C a bei engem Drock vun 20 bis 25 bar. Si gëtt duerch [[Eisen]] oder [[Kobalt]] katalyséiert.

:<math>\mathrm{n\,CO + (2n+1)\, H_2 \leftrightharpoons C_n H_{2n+2} + n\, H_2O}</math>

:<math>\mathrm{n\,CO + (2n)\, H_2 \leftrightharpoons C_n H_{2n} + n\, H_2O}</math>

:<math>\mathrm{n\,CO + (2n)\, H_2 \leftrightharpoons C_n H_{2n+1}OH + (n-1)\, H_2O}</math>

D'Endprodukter vun där Reaktioun si [[Bensinn]] a fest Kuelewaasserstoffer oder [[Alkanen|Paraffiner]], mä et kann een och gasfërmeg Kuelewaasserstoffer mat där Method produzéieren. Niewebäi entsteet och nach e bëssen [[Ethanol|Alkohol]] an aner Verbindungen, déi [[Sauerstoff]] enthalen. Mat der Fischer-Tropsch-Synthees kann ee kee gudde [[Bensinn]] hierstellen, well d'[[Oktanzuel]] ze niddereg ass. Dofir ass si awer gutt fir [[Diesel]] hierzestellen. Déi Method ass trotz allem nëmme fir Länner rentabel, déi grouss Kuelereserven hunn, wéi [[Südafrika]].

[[Kategorie:Chimie]]