Quelltext vun der Säit Duerchmiesser weisen

[[Fichier:Diameter.png|thumb|right|Déi rout Linn weist den Duerchmiesser un]]
Den '''Duerchmiesser''' (griich. ''Diameter'') ass d'[[Distanz]] tëscht de [[Schnëttpunkt]]e vun engem [[Krees (Geometrie)|Krees]] mat enger [[Riicht Linn|riichter Linn]], déi den Zentrum schneit. Den Duerchmiesser vun enger Kugel ergëtt sech, wann dës vun enger riichter Linn duerch de Kugelzentrum geschnidde gëtt.
D'Hallschent vum Duerchmiesser gëtt [[Radius]] genannt. Mam Duerchmiesser ass net de Querschnëtt gemengt. D'Verhältnes [[Ëmfang (Geometrie)|Ëmfang]] (<math>U</math>) vun engem Krees zum Duerchmiesser ass d'[[Pi (Zuel)|Kreeszuel]] <math>\pi</math>.

Aus der Formel fir den Ëmfang vun engem Krees:

: <math> U = 2 \cdot \pi \cdot r = d \cdot \pi </math>

léisst sech d'Formel fir den Duerchmiesser (<math>d</math>) vun engem Krees ofleeden:

: <math> d = \frac{U}{\pi} = 2 \cdot r </math>

An der [[Metallveraarbechtung]] kann zum Beispiel den Duerchmiesser vun enger Buerung oder vun engem Bolze mat deem gëeegente Moossapparat, wéi [[Pied à coulisse]] oder [[Mikrometerschrauf]] gemooss ginn. Den Duerchmiesser entsprécht dobäi der gréisster Mooss, déi rechtwénkleg zur Buerungsachs gemooss gëtt.

Bei [[techneschen Zeechnungen|techneschen Zeechnunge]] gëtt d'[[Symbol]] fir den Duerchmiesser '''ø''' nëmmen da gebraucht, wann d'Kreesform net direkt erkennbar ass, z.&nbsp;B. bei Schnëttduerstellungen oder Duerchgankslächer. An der [[Mathematik]] bedeit dëst Symbol [[Duerchschnëtt]], an net Duerchmiesser.

Kugelduerchmiesser ginn och bei Sonnen, [[Planéit]]en oder [[Mound]]en ugewannt, déi eng Kugel duerstellen.

[[Kategorie:Geometrie]]